|
正所谓“各处乡村各处例” 每个城市都有自己一套 固定嘅生活模式同生活习惯 从化也不例外 而初到清远嘅朋友 可能觉得从化人好奇怪 点解从化人食“煲仔饭”、“油炸鬼”.. 而且仲有一大堆不可思议嘅习俗... 更恐怖嘅系 系从化人嘅感染下 你都不知不觉咁跟住做... 例如以下哩19个从化人嘅习惯 有几个你系似曾熟悉的呢... ▼ 1 食饭前，要用茶水洗碗筷 从化人出外食饭必备嘅神圣仪式 唔理D碗筷有无事先消毒过，坐低第一句就 “唔该靓女，比壶滚水！” 用筷子督开D塑胶纸 用热水将D碗筷从头到尾洗一次 我地从化人先可以安心咁食饭 2 逢人斟茶，必行叩指礼 唔理系长辈上级，亦或是自己嘅老死 无论系边个，只要帮自己斟茶 从化人肯定用手指还“叩指礼” 无任何语言，轻轻一个动作就代表感谢 亦都系从化人有礼貌有内涵嘅表现 3 钟意煲老火靓汤 因为气候干燥原因 煲靓汤系每个从化阿妈必备嘅生活技能 用料新鲜，时间长，讲火候，仲要讲时节 4 少食辣，饮凉茶 南方湿热，食辣好容易就会上火 无论男女老少，一上火或者未上火 就会自动自觉咁去饮翻杯凉茶 虽然宜家好多从化人都开始钟意食辣 唯独不变嘅系，佢地依然都会饮凉茶 5 无鸡不成宴 “无鸡不成欢，无鸡不成宴” 鸡，系从化人心目中有非一般嘅地位 从化食鸡更加系到咗执着嘅境界 对鸡嘅品种、做法、出处都有讲究 6 切勿用筷子敲碗 以前细个唔识嘢，用筷子敲碗 俾阿妈闹到鬼咁，一般乞丐先会敲筷子 就连将筷子插系碗饭上都唔得，话似“拜神” 7 饮早茶，一盅两件 从化眼中嘅饮茶其实并唔系“饮茶” 佢地钟意点一盅两件，吹吹水 早上6、7点茶楼全部都系爷爷奶奶 我地后生训到中午先舍得起身去饮茶 8 唔钟意收“银仔” “银仔”即系普通话嘅“硬币” 多数从化人去买嘢都会讲 “靓女，可唔可以唔要“银仔”啊” 只要身上有“银仔”，就会想尽办法洗出去 搭公交，买支水... 9 睇TVB大嘅 除咗本地台之外，从化人睇得最多就系翡翠台 TVB部《溏心风暴》我阿妈成日都提起 《奖门人》次次都睇到我阿爸笑唔停口 好多80、90后都系睇TVB粤语配音嘅动漫大嘅 小编就系其中一个！ 一放学就冲翻屋企，坐定定系部电视前！ 10 钟意宵夜 从化嘅夜晚，越夜越精彩 街边大排档，啤一啤，一碟炒粉 老友知己围埋一台，你一杯我一杯，吹吹水 从化人话，我系其他地方搵唔到哩种感觉 11 过年一定要行花街 “买个风车，转转运” 从化人行花街唔系为咗买花 而係去感受下过年嘅热闹气氛 虽然好多人，但系就好开心 新一年就系要热热闹闹咁先得 12 年廿八，洗邋遢 “年廿八，洗邋遢” 家传户晓嘅一句，一到年廿八 从化家家户户都会开始大扫除 为新一年做好准备 将唔好嘅嘢扫走，新一年要更加美好！ 13 对饮食要求高 从化人特别嘴刁，但系又咩都咁试咁食 甚至为咗食好嘢，盘山涉水都在所不辞 同时都钟意去街市，自己动手煮大餐 14 食物仲可以“闹人” 除了对食有讲究之外 从化人亦都拥有强大嘅造词技术 就连食物都可以“闹人” “你条粉肠！” “生旧叉烧好过生你！” “成旧番薯咁，醒少少啦！” “好似一碌葛咁” 哈仲有，“正一小学鸡” 15 钟意好意头 老一辈做咩都要讲意头，一直延续... 过年必有生菜（生财），鱼（年年有余） 猪手就叫横财就手 福字一定要倒转贴（寓意：福到） 一对筷子都可以寓意为“快快生子” 有文化就系唔同~（骄傲脸） 16 识唱童谣 “月光光，照地堂” “落雨大，水浸街” 哩滴粤语童谣，99%嘅从化人都识唱！ 细细个阿妈就系我地耳边唱住 17 好少睇央视、春晚 从化人好少睇央视，听唔惯普通话同太正式 就连春晚都好少睇，个个都去晒行花街咯 出街咁热闹，仲点会系屋企睇电视啊 18 男男女女都“靓” 无论你系老腊肉定系小鲜肉 一律统称“靓仔” 无论你系妙龄少女定系广场大妈 一律统称“靓女” 行系从化街头，你就系靓仔/女！ 19 我哋钟意讲从化话 从化人最中意讲嘅当然系从化话啦！ 同时仲会将从化话文化发扬光大 当然，如果遇到有人讲普通话 从化人都会好细心咁转换普通话(煲冬瓜) 虽然我地嘅普通话真系好普通，哈哈... 可能你会觉得清远人不可思议 从化哩个地方好神奇 不过，真真正正嘅从化就系咁 包容，真切，繁华嘅城市 深爱住每一个从化人 同在从化打拼的你 我们同饮流溪水 我们同样叫做“从化人” “我爱从化” 来源：百川网、从化论坛 声明：所有权归原作者拥有，如有侵权请联系删除 |
