|
唔行花街点算过年啊？ 讲起花街，系广州都有上百年历史 系广州各区都有自己嘅花街 作为一个广州人一定要趁热闹！ 行！晒！佢！ 花街攻略广州花市时间： 2月13日8:00至16日凌晨2:00（年二十八至年初一） 各区花市地点： 越秀西湖花市：西湖路和教育路 荔湾花市：荔湾北路 海珠花市：滨江西路和宝岗大道 天河花市：天河体育中心 白云花市：万达广场 黄埔花市：黄埔体育中心 花都花市：芙蓉大道中广州花卉之都 番禺花市：市桥东区广场东路、广场西路和东兴路 南沙花市：市南大道环市大道至金沙路 增城花市：增城广场 从化花市：风云岭坪地公园 花街可以话系最最多人，最最热闹 最最最重年味既地方啦！ 一家大细或者同朋友一起逛花街 买年货同埋靓靓既年花 装扮屋企，系一年到未最最开心既时刻！ 花街上有各式精品， 所有你估到既估唔到既都有得卖！ 兜翻一圈转个大运坐等新年~ 不过话时话， 大家又知唔知行花街应该买D乜 又唔应该买D乜呢？ 宜买 1.风车 正所谓“风车转一转，银纸高一寸”，好多人过年都会买风车转运，讨个好意头。不过如果你本年运势唔差，就不必买啦，以免转走晒D好运。 2.财神摆件 行花街另外一个重要嘅目的就梗係想来年“恭喜发财”啦！所以，每年花街工艺品档都会有唔少财神摆件，寓意将财神“请”返屋企。不过，如果遇到D好似“3”“8”“9”等数字标价嘅时候，就唔好讲价啦，因为呢D数字都係有吉利含义嘅。 3.寓意好运嘅装饰摆设物 有好运寓意嘅除咗有植物摆设之外，仲有装饰摆设物噶。最近几年新兴起一D有趣又富有好运寓意嘅装饰摆设物，譬如真係用竹编嘅猪笼，寓意“猪笼入水，银纸装晤晒”，仲有其它可爱得意嘅公仔装饰物件。 4.年花 过年行花街，买年花都係必不可少噶啦！富贵竹象征招财，金吉象征大吉大利，桃花象征来年行个桃花运，鸿运当头象征从头旺到尾……沾D花香瑞气，去去晦气，来年肯定大吉大利，富贵平安！ 5.百年好合：百合 百合花有“云裳仙子”嘅美称，寓意“百年好合”、“百事合意”，系广州，百合一直都系年宵花嘅主角哦，百合系插花造型入面一直都系焦点花、骨架花。系每家每户过年必备年花之一！ 6.如意吉祥：插柳花（桃花） 春节插桃花乃广东人嘅传统习俗，所谓“一树桃花满庭春”，一株靓桃花插在厅堂里，满树星红，确实增添唔少春色；商家寓意“花开富贵”、“宏图大展”，家庭祝愿“如意吉祥”，青年人祈望“行桃花运”（早日稳到有情人），春节期间又恰逢桃花花期，系传统家庭春节插花嘅首选，不但居家喜爱，各大宾馆酒楼春节也必以一株大桃花装点门庭。 7.吉祥招财：摆金桔 桔为吉，金为财，金桔有吉祥招财嘅含意。金桔树可以摆系屋企，亦可作为贺礼，系拜年用嘅果篮入面放D金桔，系一份好好嘅祝福。但系要注意嘅系，选购盆桔时一定要挑选果满、果色红润、枝叶要碧绿唔好有黄叶。 8.旺财之花：银柳 银柳叶芽银光闪闪，节节上升系旺财之花。适合于插系大厅花瓶中，搭鸿图大展嘅桃花一起更为旺福，银柳叶芽能释放出精气益肺补肾，有净心宁神之效。 9.增加福气：菊花 菊花象征延年益寿，增加福气，有助于气场、磁场的稳定。长寿菊、大波斯菊都适合放在家中，但要注意阳光照射问题，虫害也要留意。选购菊花，要注意花朵开得不要太过挤迫，以及枝叶要高挺和翠绿。 10.吉祥如意：水仙花 因多为水养，而且花香浓郁，亭亭玉立在水中，所以有“凌波仙子”嘅雅称。水仙花常常作为“岁朝清供”嘅年花，祝贺新春吉祥。而且价格非常经济实惠，10蚊几个大蒜头种子，有排你养，最重要系大得快，摆系屋企可避邪除秽，带嚟吉祥如意，亦可招财。 11.聚合人气：兰花 兰花有聚合人气，掌握权力之意，可以拓展人际关系。不过兰花唔系咁好养，要好俾心机去照料。选购蝴蝶兰，要求枝叶粗壮、翠绿，花嘅“色水”要娇嫩、形态要靓同厚身。选购剑兰寓意“步步高升”，因此要观察花株系咪够高大，够多花蕾，而花瓣嘅颜色亦都要够鲜艳。 12.招财植物：大吉大利富贵竹 富贵竹，属常绿小乔木。富贵竹的美与它的吉祥名字分不开，其茎节表现出貌似竹节的特征，却不是真正的竹。中国有“花开富贵，竹报平安”的祝辞。富贵竹管理粗放，病虫害少，容易栽培，并象征着“大吉大利”。 13.鸿运当头：火炬花 火炬花是“鸿运当头”系列嘅第二大花卉。花茎直立，高可达1米，挺拔的花茎高高擎起火炬般的花序，壮丽可观。花色有黄、橘红、红等。一般橘红色、红色同称“鸿运当头”。火炬花中意同阳光玩游戏，也耐半阴。 忌买 行花街应该买D乜大家都知道啦 不过不适宜买D乜你哋又知唔知呢？ 原来过年行花街 系买嘢上都有讲究噶 1.鞋 鞋喺粤语里面係“唉”嘅谐音，普通话里面係“邪”嘅谐音，所以无论喺南方定係北方，都唔适宜作为花街买卖嘅物件噶。 2.伞 伞係“散”嘅谐音，新年流流，都唔适宜买伞返屋企，避免出现分手或者离散。 3.来历不明嘅石头及古董 尽管宜家市面上有好多观赏性嘅石头以及古董，但係其实都属于容易招邪灵附着嘅物件，有D睇似係观赏石，但係上面好可能附着邪灵，过年最好唔好买。 4.刀具 过年买刀具，分分钟会将自己嘅桃花运同好运势斩断！无论係厨房用嘅刀具定係玩具刀具，过年最好都唔好买。 5.人形公仔及面具 布娃娃同人状嘅物件譬如面具等都属于小人，放喺屋企容易招回邪灵，容易带来不安。虽然唔一定每一只都係噉，不过过年都係避忌D好。 6.杯 老人家最嫌弃杯子，特别系带耳朵既果种。佢地认为果个系水盅～普通话送终送终，唔好意头！ 7.禁买有害礼品 嗱！新年流流千期唔好买对人工作、学习、生活以及身体健康、家庭幸福有害嘅嘢啦！比如：香烟、烈酒、赌具以及庸俗低级书刊、音像制品等。送呢类礼物，或者可以够投其所好，但难免会有存心害人嘅嫌疑。 8.钱包 朋友过生日选择钱包当礼物嘅人有好多，但系送钱包就等于将自己嘅钱送俾人，呢样嘢你又知唔知呢？所以会令自己财运不佳，导致漏财。所以想送钱包嘅朋友仔，不妨选择其他一D好嘅礼物，避开呢D送礼上嘅禁忌。如果系恋人送钱包系木有问题的，因为通常恋人之间都会意气相投，所以唔存在漏财嘅现象。 9.蜡烛 蜡烛系祭奠逝者用嘅，千期唔好买啊！十分唔吉利！ 10.人形公仔 花街固然有好多得意嘅公仔或者挂饰，例如：娃娃、布偶、人偶、因为距哋都属于“小人”，买距地翻来等于招致小人，而且呢D嘢如果系屋企存放耐左好容易召来邪灵，会带俾屋企人带来不安。 11.枕头 如果你随意买枕头，意味着你此后“高枕无忧”嘅日子就会越嚟越少，相反麻烦嘢就会接踵而来，因此要谨慎买枕头。不过，恋人之间无碍。 行花街嘅朋友，记得唔好买错喇！ 今年，记得行花街啊！ 来源：综合网络版权归原作者所有 更多热门资讯↓ 白云今天开拆首个城中村！一户或分到上千平米房… 江高站、新市墟站将成为双地铁换乘站，均禾街坊也来看看 骄傲！白云舞火龙上央视啦！场面震撼，全球华人都在看！ 白云综合服务功能区，均禾、嘉禾、龙归、永平、白云新城等街坊速看！ 白云村民新建住宅或需符合“一户一宅”！ 白云最高35万/亩、超平以货币补偿！广州征地补偿标准出炉，看看你家地皮值几钱 白云村民必看！自建房也要报规划许可,审批权限下放街镇！ 点击阅读原文，我要报料 赞赏 |
